10. Die ander Abedam het vir beide Sy welgevalle te kenne gegee en het gesê: “Luister, dit is so: Die regte liefde moet tot die dood toe liefhê, hetsy in die gees of in die daad van die vlees, en daardie dood is eers die ware opstanding tot die ware ewige lewe, waarin dan daardie liefde alleen in die allerhoogste, vir ewig voortdurende blydskap en in die ware, allermagtigste saligheid van die eie lewe, sal leef. Maar vir elke liefde wag daar ‘n eiesoortige lot. Wie daar die wêreld liefhet, die sal in die steeds stygende wêreldliefde sterf; maar omdat die wêreld geen lewe het nie, maar net die dood, sal diegene wat in die wêreldliefde gesterf het, ook nooit tot ‘n nuwe lewe opstaan nie, maar net tot ‘n nuwe dood.