3. Spr. die Heldin: „O jegrl, o jegrl! – da wird's bei mir an gewoltige Fode hob'n! – Sei warn ja no über an Ligerianer, waon i Jehna dos olles soge sull! Schans, i war a mol ban an sulchtenen beichten; na, höre Sei, um was mi der a olles ausg'frogt und ausg'fratschlt hot, da hobe Sei goar kan Begriff! – Na, an irgsti Stobskanallie mißt da af die Zeahn blitzschaondroth werd'n. Und schans, waon i Jähna holt hietzt do olles sog'n miaßt, wos i mei Lebtag olles thon hob! – o jegrl, na! – da möchte Sei Auge moche, als waon Sei so a rechts Golgebradl vor Jähne hätten! Wann net so viel Leut da wärn, do geangets no, aber vor so viel Leut mießt ie mi jo grod die Auge ausschaomen! Wos manens denn? Höre Sei, dos war so a Spaßl! – Kinnen denn Sei nit so erkennen, wos mir fehlt? – San S' so guat, und probirn's mit mir holt Seiner Glück, vielleicht geats do ohne Schaond ober? – -“